【深夜求救】
書展對我除咗係體力挑戰，更加係精神健康測試。
睇住啲人將《分手旅行》同《我投胎前冇飲到孟婆湯》拎上手我內心就好忐忑，然後見佢哋冇乜興趣咁放返低我就好失落，再然後見住豬肉枱上面其他書畀人買到凹咗個窿，自己嗰棟書就好似冇郁過咁，我覺得地獄第十八層可以加入呢個酷刑。每日呢種心情都持續十二個鐘，我就嚟有精神病喇，哈哈。
各位可否幫個忙，嚟緊星期五六日放工放假嚟白卷出版社攤位探下我，幫我帶兩本書返屋企好嗎～
P.S. 多謝呢兩日嚟買書同搵我簽名嘅人，麻煩你哋Inbox或將本書影低Tag返我FB or IG吖！
再P.S. 點解我咁凝重⋯⋯因為寫錯咗人哋個名，諗緊點補救⋯⋯但最後係補救唔到，真係好對唔住呀😭
Search